Sa panahon ngayon, patuloy parin ang debate tungkol sa halaga ng diskarte at sa diploma. Para sa ilan, ang diploma mula sa isang malaking paaralan o mga kilalang universidad ay kinikilalang susi sa tagumpay. Ngunit para naman sa iba, ang diskarte ay kakayahang mag-isip nang maayos, gumawa ng mga tamang hakbang o decision, at magpatuloy sa kabila ng mga hamon at ito ang tunay na nagpapabilis ng tagumpay. Ngunit alin ba sa dalawa ang mas mahalaga sa pag-abot ng mga pangarap? Ngayon, tatalakayin/tutukoyin natin ang parehong panig at kung bakit parehong may tungkolin ang diskarte at diploma sa pagbuo ng isang matagumpay na karera.
Ang kahalagahan ng diploma para sa karamihan, ang pagkakaroon ng diploma ay nagsisilbing tanda ng pagiging propesiyonal at kasanayan. Ang mga pormal na kurso, mga natutunan mula sa mga guro, at ang mga teoriya na naipon sa loob ng ilang taon ay nagsisilbing pundasyon sa mas mataas na kaalaman. Ang mga kumpanya at organisasyon ay madalas na naghahanap ng mga aplikante na may natapos na kurso, kaya’t ang diploma ay isang uri ng pagpapatunay na ikaw ay may sapat na kaalaman at kasanayan para sa isang partikular na trabaho.
Sa mga industriyang teknikal o propesyonal, tulad ng medisina, engineering, o edukasyon, kinakailangan ang mga espesyal na kurso at sertipikasyon na matutunan lamang sa pamamagitan ng pag-aaral. Kagaya ng isang doktor o abugado ay hindi pwedeng magtagumpay sa kanilang propesyon nang walang kaukulang diploma at lisensya. Sa ganitong mga larangan, walang pagpapalit ang pagpapalawak ng kaalaman at pagsasanay mula sa mga eksperto.
Ang kahalagahan ng diskarte samantalang ang diploma ay isang simbolo ng matagumpay na edukasyon, ang diskarte ay sumasalamin sa kakayahang mag-manage ng mga sitwasyon, mag-isip nang malikhain, at maghanap ng mga alternatibong solusyon sa mga problema at mkakalikha ng mga paraan kong ano ang gagawin sa isang problema na maaring wlang solution. Ang diskarte ay nakasalalay sa isang sistema ito ay natutunan sa pamamagitan ng karanasan, pagsubok, at pagkatalo.
Maraming matagumpay na tao ang walang diploma, ngunit dahil sa kanilang natatanging diskarte, nakamit nila ang tagumpay. Isang halimbawa na madalas ituring na inspirasyon ay ang mga negosyante, na nagpatuloy sa kabila ng pagsubok at inobasyon kahit na hindi nila natapos ang kanilang mga pag-aaral sa paa-ralan o universidad. Ang diskarte nila sa pagbuo ng mga ideya at produkto ay nagbigay sa kanila ng higit na pa sa tagumpay, kaysa sa edukasyon.
Ang mga entrepreneurs, freelancer, at iba pang mga indibidwal na nagtatrabaho sa mga industriya na hindi nangangailangan ng isang partikular na diploma, ay madalas na mas nakatutok sa pagpapalago ng kanilang mga kasanayan at kakayahan sa pamamahala ng negosyo mga aspeto ng buhay na hindi matutunan sa mga silid-aralan ngunit sa aktwal na pagnanais at pagsisikap na magtagumpay.
Ngunit sa kabila ng mga pagkakaiba nila, ang pinakamagandang diskarte ay ang pagtutok sa parehong diploma at diskarte. Hindi kailangang mamili lamang sa isa. Sa katunayan, ang ideal na sitwasyon ay ang paggamit ng edukasyon bilang isang base ng mga kasanayan at ang diskarte bilang isang paraan ng pagpapalawak at paggamit ng mga kasanayan na iyon. Sabi nga ni Jhon ang mga matagumpay na tao ay hindi lamang umaasa sa kanilang mga natutunan sa paaralan, kundi natututo rin silang mag-isip nang labas sa kahon at gumawa ng mga hakbang na makakapagdala sa kanila sa kanilang mga layunin.
Sa isang mundo na patuloy ang pagbabago napakahalaga na matutunan ng mga estudyante at propesyonal na dapat pagsamahin ang mga diskarte sa kanilang mga natutunan mula sa pormal na edukasyon. Ang hindi pagkakaroon ng diploma ay maaaring maging hadlang sa ilang aspeto ng buhay, ngunit ang pagiging malikhain, adaptibo, at matiyaga ay may kapangyarihan upang malampasan ang anumang hamon.
Sa huli, ang pareho silang mahalaga. Ang diploma ay nagbibigay ng pormal na kaalaman, habang ang diskarte naman ay nagpapalakas sa ating kakayahan na magtagumpay sa isang mas malawak at mas dynamic na mundo. Ang pagkakaroon ng balance sa pagitan ng dalawa—ang teorya at ang praktikal na aplikasyon—ang siyang magbibigay daan sa mas matagumpay na buhay at karera. Kaya’t sa bawat hakbang ng ating pag-unlad, tandaan na ang tagumpay ay hindi nasusukat lamang sa papel, kundi sa kakayahang magpatuloy at magpursige, kahit sa mga pinakamalupit na hamon.
Comments
Post a Comment